超級市場大贈送

昨日傍晚走去超市買些食物預備晚餐,在收銀處見到人頭湧湧,探個究竟,原來超市大贈送,是日買滿一百元就送十罐泰國粟米羮,怪不得咁多人啦,此超市是香港某著名超市的澳門分店,經常都有些優惠,例如上星期如買滿一百元,就減十元,就好次今次咁,這個消息一出,顧客蜂擁而來,而我因為趕住返屋企煮飯,如再入番去買夠一百元物品,再出番來,條人龍仲長,無謂哂時間,這間超市因為財雄勢大,所以成日有D筍嘢益街坊,好似有一次又係買滿一百元就送一包細包的米,經過我的了解,原來這包小米的質量不太好,所以滯銷,超市唯有用贈送的方法,盡快去貨,無謂積存太久而得不償失。



在排隊等付錢時,前面有位阿叔和我講笑式地談話,他說這隻牌子粟米羮唔知係咪滯銷,保質期差唔不多到,所以超市賣大飽,盡快去貨呢,我說都可能會的,因為罐頭食品都含有防腐劑,食多無益,間中食就無所謂。

因為人太多關係,連超市的職員都出來幫手,最好笑是當我俾錢個收銀員後,她找回的錢竟然唔係俾番我,而係俾了那個幫手的工作人員,可想而知她收錢都收到暈哂,擺了一個烏龍,後來那個職員才將錢俾番我,我覺得真的很好笑,那十罐粟米羮的魅力真的咁大,正所謂有便宜唔駛洗頸。