2013年1月12日 星期六

原來阿仔偶然都會爆發笑彈

小兒踏入社會工作不覺有一年了,從前他是一位內向,少言的人。

自從他做了工之後,性格比較開朗,有時和他傾計,偶然會爆發一些笑料出來,現將一些和大家分享,有一次,他無回家吃飯,晚上我循例問他中午和朋友去吃什麼呀,他話去食生化壽司,我話吓咁都得,問他同邊個去食呀,他話同地球人。


有一次,一邊吃飯,一邊聽歌,剛好聽緊個首新鴛鴦蝴蝶夢的電子琴音樂,吃緊一味葡國鷄的餸,他又爆了一句話出來,首歌係咪叫劏鷄蝴蝶夢呀,我笑他係咪食鷄食到入哂迷。

他從來不太喜歡飲白開水,炎熱夏天叫他一定要飲多些水,他又彈出一句,你成日叫我飲水,唔通想我個肚變大水池咩,話說有一次在廚房煮緊一味餸,他剛放工回來,便問我這個餸叫什麼名堂,我話雙冬(冬瓜炆冬菇),他就話吓,食咗咁咪好凍,問他何解呀,他話雙冬即是兩個冬天,咪凍上加凍,我話吓你的想像力真豐富,你話好冷呀嘛,咁今晚瞓覺唔駛開冷氣囉。

他平時唔多出聲,但偶然爆發一些笑料,可以鬆馳一吓神經,正所謂唔聲唔聲,引你笑一餐。

(2007.7.14)

沒有留言:

張貼留言