激親波士的賓妹

我有一位朋友在一位社會名人的家做家庭司機,聽他講了一件有關賓妹的趣事。


話說這位賓妹係負責煮餸的,會做中國菜,平時這個家庭中午只得兩位老人家和一個孫吃飯,她竟然煮成五,六個餸,結果阿波士就鬧她浪費,攪什麼鬼煮咁多餸,唔識睇吓有幾個人吃飯,你估依家請客吃飯咩,因為這兩位老人家經歷過困苦,所以平時生活都很節儉,不會隨便浪費任何東西的,又有一次賓妹見廚房有D過年時吃剩的大大隻蠔豉(價錢很貴),這種品種係用來煮發財好市用的,點知她又唔問吓波士,就拿了很多隻來煲老火湯,,阿波士見到煲湯有很多咁大隻蠔豉(冇十隻起碼都有八隻),又鬧賓妹,有無攪錯,用D咁貴的蠔豉來煲湯,攪到成個湯要成過百蚊,去酒樓飲都唔駛咁貴,激到波士紮紮跳。

由此可見有些賓妹墨守成規,腦筋唔夠靈活,有時自作主張,唔事先請教波士一聲,,真係抵鬧,現在很多家庭都請外籍傭人幫手打理家務,但始終他們的思想文化和中國人大有出入,往往製造很多誤會和笑話出來,有時仲俾她們激親,依家想請一位稱心滿意的工人真的是非常難,真係好似中六合彩咁,好運的話就請到一位又聽話又老實的工人。